Lat deg inspirere

Korleis er det eigentleg å vere norsk student der ute i verda? Korleis er skulesystemet? Undervisninga? Blir du kjend med andre studentar? Og kva gjer du når du ikkje studerer? Får du vener? Kva er spanande og artig? Kva er vanskeleg?

Og ikkje minst: Kven kan eigentleg gje gode svar på slike spørsmål?

Ingen er betre rusta til å gje gode svar enn studentane sjølv. Studentar som er der ute no. I Frankrike og Tyskland, USA og Canada, Japan, Kina og Brasil, og i mange, mange andre land.

Utdanning i verden har intervjua mange studentar – og kjem til å fortsetje med det. På denne sida vil det altså kome stadig nye opplevingar og erfaringar frå stadig nye norske studentar i verda der ute.